لە ئەنجامی هێرشی سوپای داگیرکەر بۆ سەر شاری جەنینی کەناری ڕۆژئاوای داگیرکراو منداڵێکی دیکە شەهید بوو.

رووداوەکە لە قەزای عەرابە لە باشووری ڕۆژئاوای شاری جەنینی کەناری ڕۆژئاوای داگیرکراو رووی دا.

مانگی سووری فەلەستین راگەیاند، تەرمی منداڵێکی ١٤ ساڵە لە قەزای عاروبە وەرگیراوە و گواستراوە نەخۆشخانە. سەرچاوەکانی خۆجێ باسیان لەوە کرد، ناوی شەهیدەکە ئیبراهیم حەمران بووە و لە ئەنجامی تەقەی داگیرکەران بۆ سەر ئۆتۆمبێلێک بریندار بووە و دواتر شەهید بووە.

پێش لە هێرشەکە خۆڕاگران لە ناوچەی نەقەب لە قەزای عەرابە تەقەیان کردووە سەر هێزەکانی داگیرکەر و دواتر سەربازەکانی داگیرکەر تەقەیان کردووە سەر ئۆتۆمبێلێک و منداڵەکەیان بە برینداری دەستبەسەر کردووە. دواتر راگەیەندرا کە منداڵەکە شەهید بووە.

بەم شێوەیە لە ٢٤ کاتژمێری کۆتاییدا لە جەنین دوو منداڵ شەهید بوو. دوێنێ شەو لە قەزای قەباتیەی جەنین منداڵێکی ١٦ ساڵە بە ناوی ئیبراهیم عەلی ناسر شەهید بوبوو.

رژێمی داگیرکەری سەهیۆنی لە ٢١ی مانگی ١ـەوە بەردەوامە لە هێرش سەر شار و کەمپی پەنابەرانی جەنین و لە ئەنجامی هێرشەکاندا تاوەکو ئێستا ٤٤ کەس شەهید بوونەتە و دەیان کەسیش بریندار بوونەتە. هەروەها ژمارەیەکی زۆر کەسیش دەستبەسەر کراون.

هەروەها هێزەکانی داگیرکەر ئەمڕۆ بەیانی هەڵکوتانە سەر قەزای یەعبەد لە شاری جەنین و گەنجێکی فەلەستینیی لەگەڵ باوکەکەی دەستبەسەر کرد.

لە کاتی هێرشەکەدا لە گەڕەکەکە قەناسبەدەستەکان و هێزەکانی پیادە جێگر کرا و ماڵی محەمەد شەریف زەید کیلانی و کوڕەکەی تاڵان کرا.

لە شاری نابلوس داگیرکەران لە بە شێوەیەکی توند لە دوو گەنجی تەمەن ١٦ و ١٧ ساڵەیان دا و برینداریان کرد. مانگی سووری فەلەستین راگەیاند کە بریندارەکان بۆ چارەسەری گواسترانەوە نەخۆشخانە.

هێزەکانی داگیرکەر بە شێوەی سیستەماتیک بەردەوامن لە هەڵکوتان و هێرش سەر کەناری ڕۆژئاوا.(İLKHA)